साम इम्पॅक्ट: बीड शहरातील मुख्य महामार्गावरील खड्डे बुजवण्यास सुरुवात...

बीड: साम टीव्हीच्या बातमीच्या दणक्याने, बीडच्या बांधकाम विभागासह IRB कंपनीला जाग आली आहे. त्यांनी बीड शहरातील मुख्य महामार्गावरील खड्डे बुजवण्यास सुरुवात केलीय. साम टिव्हीने बीड शहरातील मुख्य महामार्गाचं कसं निधन झालं? हे दाखवलं होतं. (Saam Impact: The pits on the main highway in Beed city are being filled)

हे देखील पहा -

शहरातील या खड्ड्यांचे स्पॉट पंचनामे करत रस्त्यांचं भेसूर वास्तव समोर आणलं होतं. याच बातमीची दखल आता संबंधित विभागाने घेतली असून आता शहरातील मुख्य महामार्गावरील खड्डे बुजवण्यास सुरुवात झाली आहे. दरम्यान जे खड्डे बुजवण्यात येत आहेत, ते निकृष्ट दर्जाचे बुजवले जात असून दहा ते पंधरा दिवसांनी पुन्हा या महामार्गावर खड्डे पडण्याची शक्यता नाकारता येत नाही.

तर या विषयी बीडमधील स्थानिक नागरिक विश्वनाथ पाटोदेकर म्हणाले, की साम टीव्हीने वेळोवेळी रस्त्यावर असणाऱ्या खड्ड्याची बातमी दाखवली आहे. आता कुठेतरी काम सुरू झालं आहे. मात्र हे काम अतिशय निकृष्ट दर्जाचं सुरू असून यामुळे पुन्हा खड्डे पडण्याची शक्यता नाकारता येत नाही. आणखीन पावसाळा संपला नाही, त्यामुळे प्रशासनाने थातुरमातुर काम करण्यापेक्षा, चांगले खड्डे बुजवावीत. ज्याने करून बीडकरांना पुन्हा या खड्ड्यांचा त्रास होणार नाही, अशी मागणी विश्वनाथ पाटोदेकर यांनी केली आहे.

Edited By - Akshay Baisane