Maharashtra Exit Polls : शरद पवार गट की अजित पवार गट, पुसदमध्ये कोणाचा उमेदवार जिंकणार? पाहा एक्झिट पोल

विधानसभा निवडणुकीचा निकाल उद्या शनिवारी जाहीर होणार आहे. राष्ट्रवादीच्या फुटीनंतर दोन्ही गट पहिल्यांदा विधानसभा निवडणुकीसाठी सामारे गेले. यवतमाळ जिल्ह्यातील पुसद विधानसभा मतदारसंघात राष्ट्रवादीच्या दोन्ही गटात लढत पाहायला मिळाली. या लढतीत अजित पवार गटाचं पारडं जड पाहायला मिळालं.

पुसद विधानसभा मतदारसंघात अजित पवार गटाकडून इंद्रनील नाईक रिंगणात होते. तर शरद पवार गटाकडून शरद मैंद रिंगणात होते. या मतदारसंघात दोन सख्ख्या भावांमध्ये निवडणूक होणार होती. मात्र, विद्यमान आमदार इंद्रनील नाईक यांच्या भावाने शेवटच्या क्षणी माघार घेतली. सकाळ समूहाच्या एक्झिट पोलनुसार, इंद्रनील नाईक पुन्हा एकदा जिंकण्याची शक्यता आहे. त्यामुळे इंद्रनील नाईक पुन्हा एकदा त्यांचा गड राखण्यास यशस्वी होणार आहे.

इंद्रनील नाईक हे निवडणुकीत उतरले. या मतदारसंघातील निवडणूक तिहेरी झाली. अजित पवार गट, शरद पवार गट, वंचित बहुजन आघाडीमध्ये प्रामुख्याने लढाई होती. परंतु मुख्य चुरस आघाडी विरुद्ध युती अशीच झाली. यंदा बंजारा मते एकवटली. ती मते नाईक यांना मिळाली. तर आदिवासी मते विभागली. मते विभागून वंचित बहुजन आघाडीला गेली. तर ओबीसी आणि भाजपचे मते इंद्रनील नाईक यांना मिळाली. यामुळे नाईक त्यांची विजयाची परंपरा कायम राखतील.