Pune Bangalore National Highway : पुणे- बंगळुरू महामार्गावर आरपीआयचा रास्ता राेकाे, जाणून घ्या वाहतूकीची स्थिती

Satara News : सांगली जिल्ह्यातील मिरज तालुक्यातील बेडग मधील डाॅ. बाबासाहेब आंबेडकर यांच्या नावची कमान पाडल्याच्या निषेधार्थ निघालेला मोर्चा आज (शुक्रवार) साता-यात येथे पोहोचला. यावेळी रिपब्लिकन पार्टी ऑफ इंडिया (RPI) वाढे फाटानजीक रास्ता रोको केला. (Maharashtra News)

आरपीआयचे पदाधिकारी म्हणाले सांगली जिल्ह्यातील मिरज तालुक्यात असणा-या बेडग येथील डॉक्टर बाबासाहेब आंबेडकर यांच्या नावाची स्वागत कमान काही गाव गुंडांनी पाडली. त्याच्या विरोधात बेडग ते मुंबई असा पायी मोर्चा बांधवांनी काढला आहे.

या आंदाेलकांना आमचा पाठींबा व्यक्त करण्यासाठी आज रिपब्लिकन पार्टी ऑफ इंडियाच्या माध्यमातून राष्ट्रीय महामार्गावर रास्ता रोको आंदाेलन देखील करण्यात येत आहे. दरम्यान या आंदाेलनामुळे काही काळ पुणे- बंगळुरू महामार्गावरील वाहतूक खाेळंबली.

पाेलिसांच्या आवाहनानंतर आंदाेलकांनी रस्ता माेकळा केला. हा मोर्चा पुढे मुंबईच्या दिशेने रवाना झाला.

Edited By : Siddharth Latkar