महाविकास आघाडी सरकारच्या विरोधात रिपाइं (आ) चे भर रत्यात दळण दळत आंदोलन...

बीड: शेतकऱ्यांना सरसकट 50 हजार रुपयांची मदत करा, मराठा आरक्षण आणि ओबीसी आरक्षण पूर्ववत करा या मागण्यांसाठी बीडमध्ये रिपाइंच्या वतीने अनोखं आंदोलन करण्यात आलं. राज्य सरकारची अवस्था आंधळं दळतं आणि कुत्रं पीठ खातं अशी झाली आहे. हे दाखवण्यासाठी बीडच्या जिल्हाधिकारी कार्यालयासमोर प्रतीकात्मक देखावा करत रिपाईच्या वतीने निषेध आंदोलन करण्यात आलं.

हे देखील पहा -

यावेळी राज्य सरकार विरोधात तीव्र घोषणाबाजी करत निषेध व्यक्त करण्यात आला. या आंदोलनाचे नेतृत्व रिपब्लिकन पार्टी ऑफ इंडियाचे प्रदेशाध्यक्ष पप्पू कागदे यांनी केले होते. या आंदोलनात शेकडो कार्यकर्ते सहभागी झाले होते. राज्य सरकारने शेतकऱ्याला तात्काळ मदत करावी, फक्त घोषणा करून आणि आश्वासन देऊन चालत नाही, ओबीसी आरक्षण पूर्वरत करावे, तसेच मराठा समाजाला आरक्षण द्यावे. अन्यथा रिपाईच्या वतीने मंत्र्यालयावर मोर्चा काढू. असा इशारा रिपाईचे प्रदेशाध्यक्ष पप्पू कागदे यांनी दिला आहे.

Edited By - Akshay Baisane