वीर जवान तुझे सलाम, जवान अनिल कळसे (jawan anil kalse) अमर रहे, अमर रहे अमर रहे वीर जवान अनिल कळसे अमर रहे अशा घाेषणांनी आज (शनिवार) रेठेरे खूर्द गाव दुमदुमन गेले. जवान अनिल कळसे यांच्या पार्थिवाचे वाहन गावात दाखल हाेताच ग्रामस्थांनी अश्रुंना वाट माेकळी करुन दिली. (Maharashtra News)
सातारा जिल्ह्यातील कराड तालुक्यातील रेठरे खुर्द गावचे सुपुत्र जवान हवालदार अनिल कळसे यांना मणिपूर (rethere khurd jawan anil kalse martyerd in manipur) येथे देशसेवा बजावत अपघाती वीरमरण आले.
ते भारतीय सेनेतील बॉम्बे इंजिनियर ग्रुप मधील 267 इंजिनिअर रेजिमेंट मध्ये कार्यरत होते. ते 29 सप्टेंबर 2000 साली भारतीय सैन्य दलात भरती झाले होते. त्यांनी 23 वर्ष देश सेवा बजावली होती.
आज (शनिवार) कराड तालुक्यातील रेठरे खुर्द येथे त्यांचे पार्थिव आणण्यात आले. यावेळी ग्रामस्थांनी वीर जवान अनिल कळसे अमर रहे अशा घाेषणा दिल्या. यावेळी युवा वर्ग माेठ्या संख्येने उपस्थित हाेते. कुटुंबियांनी जवान अनिल कळसे यांचे पार्थिव पाहताच हंबरडा फाेडला. लहान मुले देखील हुंदका देत रडत हाेती. संपुर्ण गावावर शाेककळा पसरली हाेती.
('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
दरम्यान आज (शनिवार) दुपारच्या सुमारास शासकीय इतमामात त्यांच्यावर अंत्यसंस्कार करण्यात येणार आहेत अशी माहिती प्रशासनाने दिली.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
