उस्मानाबादमध्ये कोविड नियमांत शिथिलता

कैलास चौधरी

उस्मानाबाद : उस्मानाबाद जिल्ह्याला कोविड निर्बंधात शिथिलता देण्यात आली आहे. तसे आदेश देखील जिल्हाधिकारी यांनी दिले आहेत. कोरोना विषाणूचा संसर्ग रोखण्यासाठी राज्यसरकारच्या नियमावलीनुसार उस्मानाबाद जिल्हाधिकारी कौस्तुभ दिवेगावकर यांनी उस्मानाबाद जिल्ह्यातील कोविड-19 प्रसार थांबविण्यासाठी निर्बंध घातले होते.

हे देखील पहा -

मात्र, आता राज्य सरकारने नव्याने काढलेल्या नियमावलीनुसार 22 जिल्ह्यांना शिथिलता देण्यात दिली आहे. या यादीत उस्मानाबादचा देखील समावेश आहे. त्यामुळे आज उस्मानाबाद जिल्हाधिकारी कौस्तुभ दिवेगावकर यांनी नवीन आदेश काढून शिथिलता देत दुकाने उघडण्यासाठी परवानगी दिली आहे. यामुळे आता दुकानाची वेळ सोमवार ते शुक्रवार सकाळी 7 ते रात्री 8 पर्यंत करण्यात आली आहे.

तर शनिवारी व रविवार रोजी अत्यावश्यक सेवेत असणारी दुकाने दुपारी 3 वाजेपर्यंत चालू ठेवण्यासाठी परवानगी देण्यात आली आहे. तसेच अत्यावश्यक सेवेत नसणाऱ्या दुकानांना शनिवारी 3 वाजेपर्यंत सुरू ठेवण्यास परवानगी दिली आहे, तर रविवारी मात्र ही दुकाने बंद ठेवावी असे आदेश आहेत.

Edited By : Krushnarav Sathe