Bhiwandi Wada Manor Highway : खड्डे बुजवा, लाेकांचा जीव वाचवा; भिवंडी- वाडा- मनोर महामार्गावर ग्रामस्थांचा रास्ता रोको

- फय्याज शेख

Potholes Issue : रस्त्यावरील खड्ड्यांनी त्रस्त झाले ग्रामस्थांनी आज (गुरुवार) भिवंडी - वाडा - मनोर महामार्गावर रास्ता रोको आंदाेलन छेडले. या आंदाेलनामुळे महामार्गावरील वाहतूक विस्कळीत झाली. दरम्यान रस्ता चांगला करणार असे आश्वासन मिळाल्याशिवाय आंदाेलन मागे घेणार नसल्याची भूमिका आंदाेलकांनी घेतली आहे. (Maharashtra News)

भिवंडी - वाडा - मनोर महामार्गावर पडलेल्या खड्ड्यांमुळे वाहन चालक व ग्रामस्थांना अनेक समस्यांना समोर जावे लागत आहे. या महामार्गावर पडलेल्या खड्ड्यांमुळे असंख्य अपघात झाले आहेत. काहींना आपला जीव गमवावा लागला आहे. (potholes issue Bhiwandi Wada Manor Highway)

हा रस्ता दुरुस्त केला जात नसल्याने स्थानिक ग्रामस्थ आक्रमक झाले आहेत. आज पालघर जिल्ह्यातील वाडा तालुक्यातील भिवंडी- वाडा- मनोर महामार्ग कुडूस नाक्यावर स्वाभिमानी संघटनेच्या नेतृत्वाखालील स्थानिक ग्रामस्थांनी रास्ता रोको केला.

या महामार्गावर पडले‌ले खड्डे त्वरित भरावे या मागणीसाठी आज हा रास्ता रोको करण्यात आला. या आंदाेलनात शेकडाे ग्रामस्थ सहभागी झाले हाेते.

Edited By : Siddharth Latkar