Sindhudurg: पीए राकेश परबची पाेलिस काेठडीत रवानगी; नितेश राणेंच्या जामीन अर्जावर आज निकाल

- विनायक वंजारे

सिंधुदुर्ग : शिवसेना कार्यकर्ते संतोष परब (santosh parab) हल्ल्यातील संशयित आरोपी भाजप आमदार नितेश राणेंच्या (nitesh rane latest marathi news) स्वीय सहाय्यक राकेश परब (rakesh parab) यांस न्यायालयाने चार दिवसांची पोलीस कोठडी सुनावली आहे. राकेश परब हे साेमवारी स्वतःहून कणकवली (Kankavali) पोलिस (police) ठाण्यात हजर झाले होते. दरम्यान आमदार नितेश राणेंच्या (nitesh rane) नियमीत जामीन अर्जावर आज (मंगळवार) दुपारी तीन वाजता अंतिम निकाल हाेण्याची शक्यता आहे. (nitesh rane bail latest updates)

परब याची तब्बल आठ तास पोलीसांनी चौकशी केली. त्यानंतर सायंकाळी राकेश परब यांस कणकवली पोलिसांनी अटक केली. आज (मंळवार) सकाळी परब यांस कणकवली दिवाणी न्यायालयात हजर करण्यात आले. यावेळी न्यायालयाने राकेश परब यांसा 4 दिवसांची पोलीस कोठडी सुनावली आहे.

दरम्यान आमदार नितेश राणेंच्या जामीन अर्जावर निकाल हाेण्याची शक्यता असल्याने काेकणातील महत्वाच्या तालुक्यांत पाेलिसांचा कडेकाेट बंदाेबस्त तैनात करण्यात आला आहे.

Edited By : Siddharth Latkar