Maharashtra Rain Alert : मुंबई, पुण्याला आज पावसाचा यलो अलर्ट; ४ जिल्ह्यांना पावसाचा ऑरेंज अलर्ट, उर्वरित राज्यात कशी असेल स्थिती?

Maharashtra Rain Update :

राज्यात ऑगस्ट महिन्यात गायब झालेला सप्टेंबर महिन्याच्या सुरुवातीला पुन्हा अॅक्टिव्ह झाला आहे. मागील काही दिवसांपासून काही भागांत कोसळणारा पाऊस आज म्हणजेच १५ सप्टेंबरपासून संपूर्ण राज्यात सक्रिय होणार असल्याचा अंदाज हवामान विभागने वर्तवला आहे.

आजपासून राज्यात पावसाची जोर वाढण्याची शक्यता आहे. विदर्भ, मराठवाडा, मध्य महाराष्ट्र आणि कोकणात पाऊस पुन्हा सक्रिय होणार आहे. आज राज्यात काही ठिकाणी ढगांच्या गडगडाटासह मुसळधार ते अति मुसळधार पाऊस पडण्याची दाट शक्यता आहे.

आज विदर्भातील ४ जिल्ह्यांमध्ये मुसळधार ते अतिमुसळधार पावसाचा ऑरेंज अलर्ट देण्यात आला आहे. तर मुंबई, पुणे, ठाण्यासह २६ जिल्ह्यातही जोरदार पावसाचा अंदाज आहे. यामुळे राज्यातील शेतकऱ्यांना दिलासा मिळण्याची शक्यता आहे. (Latest Marathi News)

ऑरेंज अलर्ट असलेले जिल्हे

आजपासून विदर्भात पाऊस सक्रीय होणार असल्याचा अंदाज आहे. भंडारा, चंद्रपूर, बुलडाणा, चंद्रपूर जिल्ह्यांना ऑरेंज अलर्ट देण्यात आला आहे. या चार जिल्ह्यांमध्ये ढगांच्या गडगडाटासह जोरदार ते अतिजोरदार पावसाचा अंदाज आहे.

यलो अलर्ट असलेले जिल्हे

पालघर, ठाणे, मुंबई, रायगड, रत्नागिरी, सिंधुदुर्ग, धुळे, नंदुरबार, जळगाव, अहमदनगर, पुणे, कोल्हापूर, सातारा, छत्रपती संभाजीनगर, जालना, परभणी, बीड, हिंगोली, नांदेड, अकोला, अमरावती, बुलडाणा, नागपूर, वर्धा, वाशिम आणि यवतमाळ या जिल्ह्यांमध्ये जोरदार पावसाचा अंदाज आहे.