Akola: पूर्णा ते अकोला रेल्वेतून प्रवास करणाऱ्यांना लुटले; दाेघांना अटक

अकोला : रेल्वेतील (railway) प्रवाशांना लुटणाऱ्या टोळीचा रेल्वे पोलिसांनी (railway police) पर्दापाश केला. पूर्णा ते अकोला (akola) दरम्यान धावणाऱ्या रेल्वेत प्रवासादरम्यान लुटमार करणाऱ्या दोघांना पोलिसांनी (police) बेड्या ठोकल्या आहेत. या गुन्ह्यात तीन अल्पवयीन मुलांना देखील ताब्यात घेण्यात आले आहे. (akola latest marathi news)

या टोळीने चालत्या रेल्वेत प्रवाशांना मारहाण करत शिवीगाळ केली हाेती. प्रवाशांचे मोबाईल आणि पैसे चाेरले हाेते अशी माहिती अर्चना गाढवे (पोलीस निरीक्षक, रेल्वे पोलीस) यांनी दिली. या प्रकाराची तक्रार दाखल हाेताच रेल्वे पोलिसांनी तपासाची चक्रे फिरविली.

अकोल्यातील अकोट फाइलमधून दोन चोरट्यांना आणि तीन अल्पवयीन मुलांना ताब्यात घेतले. त्यांची चाैकशी केली असता या टोळीने गुन्ह्याची कबुली दिली. दरम्यान या टोळीकडून आणखी गुन्ह्याची उकल होण्याची शक्यता वर्तविण्यात आली आहे.

Edited By : Siddharth Latkar