Raigad : दुचाकीने अचानक घेतला पेट; प्रसंगावधान राखल्याने चालकासोबत चिमुकली बचावली

सचिन कदम

Raigad Accident News : रायगड जिल्ह्यातील सुधागड तालुक्यातील पाली नांदगाव रस्त्यावर वावळोली गावाजवळ दुचाकी जळून खाक झाल्याची घटना घडली आहे. आज, सोमवारी सायंकाळी ही घटना घडली आहे. या घटनेची नोंद रायगडमधील पाली पोलीस ठाण्यात करण्यात आली आहे. (Latest Marathi News)

मिळालेल्या माहितीनुसार, रायगड (Raigad) जिल्ह्यातील सुधागड तालुक्यातील पाली नांदगाव रस्त्यावर वावळोली गावाजवळ दुचाकीवरून चालक आणि एक चिमुकली चालले होते. मात्र, रस्त्यावर दुचाकी रस्त्यावर अचानक बंद पडली. त्यामुळे दुचाकी पुन्हा सुरू करण्याकरिता स्टार्टरचे बटण दाबले असता दुचाकीने अचानक पेट घेतला.

प्रसंवाधान दाखवत दुचाकीस्वार आणि सोबत असलेली चिमुकली सुरक्षित अंतर दूर गेली. त्यानंतर काही कळायच्या आत ही आग भडकली आणि क्षणार्धात दुचाकी जळून खाक झाली आहे. या घटनेची नोंद पाली पोलीस ठाण्यात करण्यात आली आहे.