रायगड: महाडच्या छबिना उत्सवामध्ये अपघात; आकाश पाळण्यात केस अडकून महिला गंभीर जखमी

राजेश भोस्तेकर

रायगड: महाडमधील छबिना उत्सवामध्ये काल मध्यरात्री अपघात झाला असुन या अपघातामध्ये (Accident) एक महिला गंभीररीत्या जखमी झाली आहे. पल्लवी सुरज कोलणकर (वय 30 वर्ष) रा. निजामपुर तालुका माणगाव असे या जखमी महिलेचे नाव आहे. (Raigad News In Marathi)

छबिना उत्सवात विविध मनोरंजन पाळणे आलेले होते. यामध्ये हाताने फिरवण्यात येणाऱ्या आकाश पाळण्यामध्ये पल्लवी ही महिला बसली होती. पाळणा सुरु झाला तेंव्हा तीचे केस पाळण्यात अडकले आणि डोक्यावरील चामडीसह केस निघुन गेले. या अपघातामध्ये सदर महिला गंभिर जखमी झाली असुन महाडमध्ये (Mahad) प्रथोमोपचार केल्यानंतर अधिक उपचाराकरीता तीला एमजीएम रुग्णालय मुंबई (Mumbai) येथे हलविण्यात आले आहे. या प्रकरणी इंदल दयाराम चौहान राहणार उत्तर प्रदेश (Uttar Pradesh) याच्या विरोधात महाड शहर पोलिस ठाण्यात गुन्हा दाखल करण्यात आला आहे. (Raigad News Updates)

हे देखील पहा-