संगमनेरमध्ये कत्तलखान्यवर छापा; एक कोटी रुपयांचा मुद्देमाल जप्त!

अहमदनगर : गोवंशाच्या बेकायदा संगमनेरमधील Sangamner कत्तलखान्यांवरती छापा टाकत सर्वात मोठी कारवाई करण्यात आली असून पाच कत्तलखान्यांमधून Slaughterhouse जवळपास 62 लाख रुपयांच्या 31 हजार किलो गोवंशाच्या मांसासह पोलिसांनी 1 कोटी रुपयांचा मुद्देमाल हस्तगत केला असून पाच जणांवर गुन्हा दाखल केला आहे.

हे देखील पहा -

राज्यात गोवंश हत्याबंदी कायदा असताना देखील एवढ्या मोठ्या प्रमाणात गोवंशाची कत्तल करण्याच सत्र सुरु होतं. संगमनेर सह श्रीरामपूर पोलिसांच्या मदतीने संगमनेर शहरातील भारतनगर व जमजम कॉलनी परिसरातील साखळी कत्तलखान्यांवर एकाचवेळी छापा टाकत पाच कत्तलखान्यांमध्ये मोठ्या प्रमाणात जनावरांची कत्तल झाल्याचे व अनेक जनावरे कत्तलीच्या वेदीवर असल्याचे भयानक दृष्य पोलीस पथकाला दिसले.

पोलिसांची येण्याची चाहूल लागताच कत्तलखान्यांचे मालक आपल्या कामगारांसह कत्तलखान्यांना कुलपे ठोकत पळकाढला पोलिसांनी कत्तलखान्यांचे दरवाजे तोडत गोवंश जनावरे, कापलेले मांस असा एकूण 1 कोटी रुपयांचा मुद्देमाल जप्त करत 31 हजार किलो गोवंश मांस जप्त तर 71 जनावरांची सुटका करण्यात आली आहे.

Edited By - Jagdish Patil