Ambabai Mandir: अंबाबाई मंदिरात चित्रणास जिल्हाधिकाऱ्यांनी घातली बंदी; नव्या आदेशाने कोल्हापुरात नाराजीचा सूर

- रणजीत माजगावकर

Kolhapur Ambabai Mandir News : साडेतीन शक्तीपीठापैकी महत्त्वाचे पीठ असणाऱ्या काेल्हापूरातील अंबाबाई देवीचा नवरात्र उत्सव (kolhapur navratra utsav 2023) उद्यापासून सुरु होणार आहे. त्यादृष्टीने अंबाबाई मंदिरात नवरात्रीची तयारी अंतिम टप्यात आली आहे. (Maharashtra News)

दरम्यान कोल्हापूरचे जिल्हाधिकारी राहुल रेखावर (rahul rekhawar) यांनी माध्यम प्रतिनिधींच्या कॅमेऱ्यांना आणि छायाचित्रकराना मंदिरात प्रवेश नाकारला आहे. या दडपशाही विरोधात आज (शनिवार) कोल्हापूर प्रेस क्लबच्या (kolhapur press club) वतीने आई अंबाबाईच्या (ambabai) दारात जिल्हाधिकाऱ्यांच्या विरोधात जोरदार घोषणाबाजी करण्यात आली.

पालकमंत्री हसन मुश्रीफ (hasan mushrif) यांनी जिल्हाधिकाऱ्यांना वारंवार सूचना देऊन देखील त्यांनी मनमानी कारभार सुरू ठेवला आहे. त्यामुळेच कोल्हापूर जिल्ह्यातील पत्रकार चांगलेच संतापले आहेत.

दरवर्षी नित्यनियमाने सर्व पत्रकार नवरात्र उत्सवाच्या काळात आई अंबाबाईचे सर्व सोहळे कोट्यावधी लोकांच्या पर्यंत पोहोचवत असतात. अस असताना देखील जिल्हाधिकारी आई अंबाबाई देवीचं शूटिंग घ्यायला का परवानगी नाकारतायेत याचे गौड बंगाल काय ? असा सवाल उपस्थित केला जात आहे.

जिल्हाधिकारी राहुल रेखावर यांची बदली करा

त्यामुळे मनमानी कारभार करणाऱ्या जिल्हाधिकारी राहुल रेखावर यांची ताबडतोब बदली करून मंदिरात माध्यम प्रतिनिधी आणि कॅमेरामन यांना वृत्तांकन करण्यासाठी कायमस्वरूपी परवानगी मिळावी अशी मागणी कोल्हापूर प्रेस क्लबच्यावतीने शीतल धनवडे (अध्यक्ष कोल्हापूर प्रेस क्लब) यांच्यासह पत्रकारांनी केली आहे.

Edited By : Siddharth Latkar