आता माझा बळी जाणार, आणखी एका डॉक्टर महिलेचा खळबळजनक VIDEO; भाजप आमदाराचंही नाव

पुणे : डॉ. गौरी गर्जे पालवे यांच्यानंतर माझा बळी जाणार, असे म्हणत पुण्यातील डॉक्टर स्नेहल घुगे या विवाहितेने साडे तीन वर्षांपासून माझा छळ सुरु असल्याचा गंभीर आरोप करत एक व्हिडिओ सोशल मीडियावर अपलोड केलाय. घटस्फोट हवा असल्याने पती माझ्यासोबत राहत नाहीत, जाणून बुजून गायब असल्याचा आरोप स्नेहल घुगेंनी केला.

धक्कादायक म्हणजे स्नेहल घुगे यांनी भाजप आमदार नारायण कुचे, भाजप नेत्या चित्रा वाघ यांचे नाव घेत गंभीर आरोप केले. यावर काल चित्रा वाघ यांनी पुणे पोलिस आयुक्त यांची भेट घेतली. "घुगे यांच्याशी माझा कधी ही संबंध आला नाही ना मी त्यांच्यावर कधी फोन वर बोलले ना कधी पाहिलं अशा खोटं बोलणाऱ्या महिलेवर गुन्हा दाखल व्हावी अशी मागणी चित्रा वाघ यांनी काल केली.

यावर आज बुधवारी स्नेहल घुगे यांनी पुण्यात पत्रकार परिषद घेतली. स्नेहल घुगे म्हणाल्या, "चित्रा वाघ यांचा गैरसमज झाला आहे. चित्र वाघ यांच्या पर्यंत स्टेटमेंट पोहोचलं नाही. मी काय कोणती नेता नाही. माझ्या बद्दल गैरसमज वाढतील म्हणून ही प्रेस घेतली आहे."

आतापर्यंत पोलीस स्टेशन वर दबाव येत होता. केस करून काही फायदा झाला नसता. आम्ही दिवस दिवस पोलीस स्टेशनवर चकरा मारत होते. देवेंद्र फडणवीस यांनी सांगावे की राजकीय हस्तक्षेप नसेल तर मी केस करेन चित्र वाघ आई सारख्या आहेत. गैरसमज करून देवू मला. माझ्या कडे सगळ्या गोष्टींचे पुरावे आहेत नवऱ्याने समोर यावं. मी खरी आहे माझ्या कडे पुरावे आहेत," असं त्या म्हणाल्या.