Pune Crime News: पोलिस हवालदाराचा महिलेवर अत्‍याचार; कुटुंबीयांना खोट्या गुन्ह्यात अडकविण्याची धमकी देत धक्‍कादायक कृत्‍य

अक्षय बडवे

पुणे : पुणे पोलिस दलातील हवालदाराचा धक्‍कादायक प्रताप समोर आला आहे. कुटुबियांना खोट्या गुन्‍ह्यात (Crime News) अडकविण्याची धमकी देत महिलेवर अत्‍याचार केल्‍याचा प्रकार समोर आला आहे. याबाबत (Police) पोलिस हवालदारावर गुन्‍हा दाखल केला आहे. (Maharashtra News)

मिळालेल्या माहितीनुसार, फिर्यादी महिला शिवराणा प्रताप पोलिस चौकीमध्ये तक्रार देण्यासाठी गेली होती. तेथे तिची पोलिस हवालदार राहुल अशाेक मद्देल याच्याशी ओळख झाली. त्यानंतर त्याने मुलगा आणि पतीस खोट्या गुन्ह्यात अडकविण्याची (Pune News) भीती दाखवून त्याने तिच्यावर अत्याचार केले. तसेच तिच्याकडून त्याने वेळोवेळी पैसे देखील उकळले.

मैत्रीच्‍या जाळ्यात ओढले

महिलेला मैत्रीच्या जाळ्यात ओढून तिच्यावर बलात्कार केल्याच्‍या आरोपावरून या पोलिस हवालदाराविरुद्ध गुन्हा दाखल केला आहे. राहुल मद्देल असे गुन्हा दाखल करण्यात आलेल्या पोलिस हवालदाराचे नाव असून तो हडपसर पोलिस ठाण्यात नियुक्तीस आहे. दरम्यान, मद्देल याने महिला व तिचा पती आणि साथीदाराच्या विरुद्ध खंडणी उकळल्याची फिर्याद दिली आहे.