पुणे : सरत्या वर्षाला निरोप व नववर्षाचे स्वागत करण्यासाठी सारे सज्ज आहेत. यासाठी पार्ट्यांचे नियोजन देखील आतापासून (Pune) करून ठेवण्यात आले आहे. मात्र नववर्षाच्या स्वागतासाठी होणाऱ्या बेकायदा पार्ट्या तसेच (New Year) बनावट मद्य विक्रीवर राज्य उत्पादन शुल्क विभागाची करडी नजर राहणार आहे. (Maharashtra News)
देशातच नव्हे तर संपूर्ण जगात नववर्षाचे स्वागत अगदी जल्लोषात करण्यात येत असते. स्वागत करत असताना घरगुती म्हणा कि मित्रपरिवारांसोबत पार्टीचे नियोजन (New Year Celebrations) करण्यात आलेले आहे. परंतु काहीजण पार्टी करण्यासोबत मद्यप्राशन करून हुल्लडबाजी करत असतात. तर काही मद्य विक्रेते बनावट मद्य विक्री करत असतात. अशा बनावट मद्य विक्री व बेकायदा पार्ट्यावर करडी नजर ठेवण्यात येणार आहे. याकरिता राज्य उत्पादन शुल्क विभागाकडून १७ पथके तैनात करण्यात आली असून या पथकात ५० अधिकारी आणि १२५ कर्मचारी तैनात आहेत. या पथकांकडून पुणे शहर व जिल्ह्यात गस्त घालण्यात येणार आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
कोल्हापूरमध्ये पर्यटकांची लूट
कोल्हापूरमध्ये पर्यटक येत आहेत. मात्र येथे येणाऱ्या पर्यटकांकडून पार्किंगच्या नावाखाली काही महाभागांकडून लूट केली जात असल्याचा प्रकार समोर आला आहे. अंबाबाई दर्शनाला आलेल्या पर्यटकांकडून पार्किंगसाठी जागा देतो सांगत शंभर ते दोनशे रुपये उकळण्याचा प्रकार सुरु आहे. अशा प्रकारे मागील आठवड्यात अनेक पर्यटकांकडून हजारो रुपये उकळले असून खाजगी वाहनांसाठी ठरवून दिलेल्या पार्कींगची जागा फुल्ल झाल्यानंतर ही लूट केली जात आहे. आता नववर्ष स्वागत आणि दोन दिवसांच्या सुट्टीच्या पार्श्वभूमीवर या लुटारुवर नजर ठेवण्याची गरज आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.