Pune News : मावळमध्ये गो शाळेला भीषण आग, दोन बैल अन् एका गाईचा होरपळून मृत्यू

पुणे : पुण्यातील मावळच्या दवणेवाडी येथील गो शाळेला भीषण आग लागली असून या आगीमध्ये दोन बैल आणि एका गायीचा होरपळून जागीच मृत्यू झाला आहे. या आगीत चार गाई सुद्धा जखमी झाल्या आहेत. नेमकी आग कशामुळे लागली हे अजूनही कळलेलं नाहीय. घटनास्थळी एमआयडीसी तळेगाव दाभाडे येथील काही ग्रामस्थांनी धाव घेऊन आग आटोक्यात आणण्याचा प्रयत्न केला आहे. गेली सहा वर्ष झाली ही गोशाळा स्वखर्चाने दवणेवाडीत सुरू आहे. तरी आम्हाला मायबाप सरकारने मदत करावी अशी विनंती गोशाळा संचालका पल्लवी देशपांडे यांनी व्यक्त केली.