पुणे : क्रिकेट बेटिंग करण्याचे व्यसन लागल्‍याने कायम क्रिकेट बेटिंग लागत असते. या बेटींगच्‍या नादात २८ हजार रूपयांची उधारी झाली. उधारीचे पैसे देवू शकत नसल्याने संबंधीतांनी अपहरण (Kidnapping) करून त्‍यास मारहाण केली. या मारहाणीत जखमी झाल्‍याने त्‍याच मृत्यू झाला. (Letest Marathi News)
भारती विद्यापीठ (Police) पोलीस स्टेशन अंतर्गत येणाऱ्या के. के. मार्केटजवळ ही खुनाची (Crime News) धक्कादायक घटना घडली आहे. खुनाच्या ह्या घटनेत संकेत रामचंद्र अंनभूले ह्या बांधकाम व्यवसायिकाचा मृत्यू झाला आहे. लहू माने, विशाल अमराळे आणि त्याच्या इतर काही साथीदारांनी मिळून मयत संकेत रामचंद्र अंनभूले याचा अपहरण करून खून केला.
कोरोना काळात झाला होता कर्जबाजारी
कोरोना साथीच्या काळामध्ये मयत संकेत अंनभूले हा कर्जबाजारी झाला होता. त्यामुळे त्याला क्रिकेट बेटिंग करण्याचे व्यसन लागले होते. क्रिकेट बेटिंग जिंकण्यासाठी तो लहू माने आणि विशाल अमराळे यांच्याकडे क्रिकेट बेटिंग लावायचा. यातच त्याच्यावर जवळपास 28 हजार रुपयाची उधारी झाली होती. ही उधारी वसूल करण्यासाठी आरोपींनी 16 नोव्हेंबरला संकेत अंनभूले याचे एका चारचाकी गाडीमध्ये अपहरण केले. अपहरण केल्यानंतर आरोपींनी के. के. मार्केटजवळील एका गाड्यांमध्ये संकेत अंनभूले याला बेदम मारहाण केली. त्या मारहाणी संकेत हा गंभीर जखमी झाला होता.
संकेतच्‍या वडीलांकडून पैसे केले वसूल
संकेत रामचंद्र अंनभूले हा पैसे देत नसल्याने. आरोपींनी त्याच्या वडिलांकडून गुगल पेवर 28 हजार रुपये वसूल केले आहेत. पैसे वसूल केल्यानंतर आरोपींनी गंभीर जखमी झलेल्या संकेत अंनभूले याची सुटका केली होती. संकेतला मित्राने घरी आणून सोडले. यानंतर संकेतने पत्‍नीला पाणी आणण्यास सांगितले. यानंतर त्‍याचा लागलीच मृत्यू झाला. या प्रकरणात भारती विद्यापीठ पोलिसांनी लहू माने, विशाल अमराळे आणि इतर काही आरोपी विरोधात खुणाचा गुन्हा दाखल केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.