Pune Crime News: धमकी देत पैसे मागणाऱ्या तरुणाचा खून; संशयीत पोलिसांच्‍या ताब्‍यात

सचिन जाधव

पुणे : अनैतिक संबंध उघड करण्याची धमकी देऊन वेळोवेळी पैसे मागत होती. पैसे मागणाऱ्या तरुणाला नदीपात्रात ढकलून देऊन खून (Crime News) करण्यात आला हेाता. यातील आरोपीला शिरूर (Shirur) पोलिसांनी ताब्‍यात घेतले आहे. (Live Marathi News)

पुणे जिल्ह्यातील शिरूर येथील न्हावरे येथे अनैतिक संबंध उघड करण्याची धमकी देऊन वेळोवेळी पैसे मागणाऱ्या १९ वर्षीय युवकाला मुळामुठा नदीच्या पुलावर घेऊन जाऊन नदीवरून ढकलून देऊन खून केल्याची धक्कादायक घटना घडली होती. यात नाना उर्फ विठ्ठल आण्णा कीर्तने या युवकाचा खून झाला होता. यात बबलू उर्फ रवीराज ज्ञानदेव निंबाळकर असे खून करणाऱ्या आरोपीचे नाव असून आरोपीला शिरूर पोलिसांनी अटक केली.

न्हावरे येथील निंबाळकर वस्ती येथे राहणाऱ्या बबलू उर्फ रविराज याचे गावातील एका महिलेची अनैतिक संबंध होते. हे मयत युवक नाना याला माहीत असल्याने तो बबलूला वारंवार पैशाची मागणी करून पैसे उकळत होता. तसेच मी महिलेसोबत (Police) पोलिसात जाऊन तुझ्यावर बलात्काराची केस करेल, अशी धमकी देत होता. त्यामुळे आरोपी धमकीला त्रासला गेल्याने बबलूने २४ मेस मयत नानाला दुचाकीवर बसवून मुळा मुठा नदीच्या पुलावर घेऊन गेला आणि त्याला पाण्यात ढकलून त्याचा खून केला होता.