Nandurbar News: आदिवासी जिल्ह्यात आदिवासींना वेळेवर मिळेना रेशन

सागर निकवाडे

नंदूरबार : स्‍वस्‍त धान्‍य दुकानातून रेशन धान्‍य दिले जात असते. परंतु, नंदुरबार (Nandurbar) जिल्‍ह्यातील आदिवासींना हक्‍काचे रेशन (Ration) वेळेवर मिळत नसल्‍याची स्‍थीती आहे. काहींना मिळते ते देखील वेळेवर मिळत नसल्‍याची ओरड जिल्‍ह्यात आहे. (Breaking Marathi News)

नंदुरबार जिल्ह्यातील नवापूर (Navapur) तालुक्यातील पांगराण येथील स्वस्त धान्य दुकानात नागरिकांना नियमित धान्य मिळत नाही. गावातील मोजक्याच लाभार्थींना धान्य दिले जाते, तेही नियमितपणे नाही. शिवाय स्वस्त धान्य दुकानदाराची अरेरावी ग्रामस्थांना सहन करावी लागत आहे. अशी तक्रार येथील ग्रामस्थांनी नवापूर तहसीलदार मंदार कुलकर्णी यांच्याकडे केली आहे.

जिल्‍हाधिकारींकडे मांडली व्‍यथा

रेशन स्वस्त धान्य दुकानदाराची अनेक वेळा तक्रार करूनही पुरवठा अधिकाऱ्याचे दुर्लक्ष आहे. स्वस्त धान्य व कीट न मिळाल्याने आदिवासींवर उपासमारीची वेळ आली आहे. यामुळे शेकडोच्या संख्येत ग्रामस्थ महिला यांनी आज जिल्‍हाधिकारी तथा तहसीलदार यांच्‍याकडे तक्रार केली आहे.