आ. संजय शिरसाटांच्या 'त्या' वक्तव्याचा निषेध; गुन्हा दाखल करण्याची ग्रामसेवकांची मागणी

नंदुरबार: औरंगाबाद पश्चिमचे आमदार संजय शिरसाठ यांनी ग्रामसेवकांबद्दल अपशब्द वापर करून त्यांचा अपमान केला यासाठी त्यांच्यावर गुन्हा दाखल करा अशी मागणी नंदुरबार मधील ग्रामसेवक संघटनेकडून करण्यात आली आहे. तसेच आमदार संजय शिरसाठ यांच्यावर गुन्हा दाखल करून योग्य ती कारवाई करावी अशी मागणीही ग्रामसेवक संघटनेकडून करण्यात आली आहे. (Protest against MLA Sanjay Shirsat's offensive statement; Demand of Gram Sevaks to file a case)

हे देखील पहा -

औरंगाबाद येथील सरपंच परिषद कार्यक्रमामध्ये आमदार संजय शिरसाट यांनी आपला तोल सोडून भाषण केले. ग्रामसेवकांबद्दल अर्वाच्च भाषा वापरून, शिवीगाळ केली. ग्रामसेवक भामटे आहेत. महिला सरपंचाची फसवणूक करतात. हरामखोर शब्द वापर केला आहे. या वक्तव्यामुळे नंदुरबार जिल्ह्यातील ग्रामसेवकांनी काळ्या फिती लावून निषेध व्यक्त केला व अशा अपप्रवृत्तीचा बिमोड होणे गरजेचे आहे. आमदार संजय शिरसाठ यांच्यावर गुन्हा दाखल करून योग्य ती कारवाई करावी. अन्यथा एक दिवसीय आंदोलनाचे रुपांतर मोठ्या आंदोलनात होईल असा इशारा ग्रामसेवक संघटनेने दिला आहे.

Edited By - Akshay Baisane