Beed Crime News : बीडसांगवीत का घडतयं अघटित ? ग्रामस्थ चिंतेत

Beed News : गेल्या तीन दिवसांपूर्वी बीडच्या आष्टी तालुक्यातील बीडसांगवी येथे एका अल्पवयीन मुलीने आत्महत्या केल्याची घटना घडली होती. ही घटना ताजी असतानाच बीडसांगवी गावाजवळच असलेल्या वेताळवाडी येथे एका अल्पवयीन मुलीने आत्महत्या केली. यामुळे बीड जिल्ह्यात चितेंचे वातावरण पसरले आहे. (Maharashtra News)

प्रतिक्षा सुरेश वनवे (वय 16) असे आत्महत्या केलेल्या अल्पवयीन मुलीचे नाव आहे. प्रतिक्षा हिने आपल्या राहत्या घरातच आत्महत्या केली. या घटनेच्या वेळीस प्रतिक्षा हिच्या घरात कुणी नव्हते.

या घटनेची माहिती समजताच आष्टी पोलीस (asthi police) घटनास्थळी दाखल झाले. दरम्यान प्रतिक्षाने नेमकी आत्महत्या का केली ? हे अद्याप अस्पष्ट आहे. याप्रकरणी आष्टी पोलिस ठाण्यात आकस्मिक मृत्यूची नोंद करण्यात आली आहे.

Edited By : Siddharth Latkar