सातारा: सातारा (Satara) जिल्ह्यातील जावली (jawali) तालुक्यातील बामणोली तर्फ कुडाळ (kudal) गावचे जवान प्रथमेश संजय पवार (Prathamesh Pawar) (वय 22) यांना कर्तव्यावर असताना वीरमरण आले. जम्मू सांबा ब्लॉक येथे झालेल्या चकमकीत रात्री 10:30 वाजेच्या सुमारास त्यांना (Prathamesh Pawar Martyred) वीरमरण आले. प्रथमेश यांचे पार्थिव उद्या (रविवारी) बामणोली तर्फ कुडाळ गावी आणण्यात येणार असल्याची माहिती मिळत आहे.
प्रथमेश पवार हे तीन महिन्यांपूर्वीच भारतीय सैन्यदलात भरती झाले होते. आपण सीमा सुरक्षा दलात नोकरी मिळवायची आणि देशसेवा करायची असं स्वप्न त्यांनी लहानपणापासूनच बघितलं होतं. वयाच्या 22 व्या वर्षी प्रथमेश यांनी जीवाची पराकाष्टा करत ते स्वप्न पूर्णही केलं. सैन्यदलात दाखल होऊन तीन महिने झाले असतानाच देशसेवा बजावताना प्रथमेश यांना वीरमरण आले.
प्रथमेश यांच्या कुटुंबातील एका सदस्याने दिलेल्या माहितीनुसार, 19 मे रोजीच्या रात्री जवान प्रथमेश पवार हे जम्मू सांबा ब्लॉक परिसरात डयुटीला होते. त्यावेळी अचानक दहशतवाद्यांसोबत चकमक सुरू झाली. दहशतवाद्यांच्या गोळीबाराला प्रत्युत्तर देत असताना त्यांच्या पायाला गोळी लागली. यामध्ये ते गंभीर जखमी झाले. रुग्णालयात उपचार सुरू असताना त्यांची प्राणज्योत मावळली.
प्रथमेश यांनी आपलं प्राथमिक शिक्षण बामणोली तर्फ कुडाळ येथे पूर्ण केलं. त्यानंतर बारावीपर्यंत शिक्षण त्यांनी पाचवड येथील विद्यालयामध्ये पूर्ण केलं. त्यानंतर सैन्यदलात त्यांचे सिलेक्शन झाले. सैन्यदलात दाखल होऊन तीन महिने झाले असतानाच देशसेवा बजावताना प्रथमेश यांना वीरमरण आले. त्यामुळे त्यांच्या गावासह संपूर्ण जावली तालुक्यावर शोककळा पसरली आहे. त्यांच्या पश्चात आई-वडील, एक भाऊ असा परिवार आहे.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
