Nashik Firing: प्रशांत जाधव यांच्यावर अज्ञात व्यक्तींकडून गोळीबार

नाशिक - उत्तम नगर परिसरातील एका मेडिकल जवळ अज्ञात व्यक्तींनी माहिती अधिकार कार्यकर्ते आणि राजकीय पदाधिकारी असणाऱ्या प्रशांत जाधव यांच्यावर गोळीबार (Firing) केल्याने ते जखमी झाले आहे. त्यांना उपचारासाठी नजीकच्या एका खासगी रुग्णालयात (Hospital) दाखल करण्यात आले आहे. (Nashik Latest Crime News)

हे देखील पहा -

या गोळीबारात प्रशांत जाधव गंभीर जखमी झाले आहेत. ही धक्कादायक घटना नाशिक शहरातील सिडको भागात असलेल्या उत्तम नगर भागात घडली आहे. दुचाकीवरून आलेल्या दोघांनी प्रशांत जाधव यांच्यावर हल्ला केला. या हल्ल्यात जाधव यांच्या मांडीला गोळी लागली तर दुसरी गोळी पोटाला चाटून गेली.

दरम्यान गोळीबार नेमका कोणी आणि का केला? याचा तपास पोलीस करीत आहेत. याकरिता परिसरातील सीसीटीव्ही फुटेजची मदत घेतली जात आहे. घटनास्थळी पोलीस अधिकारी, कर्मचारी व सामाजिक कार्यकर्त्यांनी मोठी गर्दी केली. या घटनेमुळे सिडको परिसरात पुन्हा एकदा भीतीचे वातावरण निर्माण झाले आहे.

Edited By - Shivani Tichkule