कोकणासह पश्चिम महाराष्ट्रात वीज पुरवठा लवकरच सुरळीत होईल

अमरावती : कोरोना सोबत लढताना करत असताना कोकणासह पश्चिम महाराष्ट्रात अतिवृष्टी, ढगफुटी व दरड कोसळून मोठ्या प्रमाणावर नुकसान झाले. यात विज वितरण कंपनीचे देखील मोठे नुकसान झाले आहे. त्यामुळे खंडित झालेला वीज पुरवठा लवकरच सुरळीत होईल.

हे देखील पहा -

तसेच आता अंडरग्राऊंड पद्धतीने वीज वाहिन्या टाकून वीजपुरवठा करणार अशी माहिती राज्याचे ऊर्जामंत्री नितीन राऊत यांनी दिली आहे. रविवारी संध्याकाळी अमरावती दौऱ्यावर आले असतांना विश्रामगृहात त्यांनी पत्रकारांंशी संवाद साधला. मदत व पुनर्वसन मंत्री विजय वड्डेटीवार यांनी 3800 कोटी रुपये अंडरग्राऊंड विजेसाठी जाहीर केले आहेत. त्यामुळे आता नव्याने काम करावे लागेल असेही ते म्हणाले. पूरामुळे विजवितरण कंपनीचे मोठ्या प्रमाणात नुकसान झाले आहे.

येणाऱ्या काळात आता असे नुकसान होणार नाही याचीही काळजी घेण्यात येणार आहे. वीज पुरवठा सुरळीत करण्यासाठी पश्चिम बंगाल मधून कर्मचारी मागवले आहेत. मंगळवारी महाड येथील दौरा करून नुकसानीची पाहणी करणार आहे, तसेच इतर भागाचा दौरा कॅबिनेट बैठकीनंतर करू असेही त्यांनी सांगितले.

Edited By : Krushnarav Sathe