रिक्षा व्यावसायिकाकडून जिल्हाधिका-यांना परभणी शहर दर्शनचे निमंत्रण, नेमकं काय म्हटलंय पत्रिकेत?

परभणी शहरातील खड्डेमय रस्त्याला कंटाळून शहरातील एका रिक्षा चालकाने चक्क जिल्हाधिकारी, मनपा आयुक्तांना खड्डेमय रस्त्यावरून प्रवास करण्यासाठी परभणी दर्शन करण्याचे निमंत्रण दिले आहे. या निमंत्रणाची चर्चा परभणी जिल्ह्यात चांगलीच रंगली आहे.

परभणी शहरातील रस्ते खड्यात आहे की खड्डे रस्त्यात आहेत हेच नागरिकांना आता कळेनासे झाले आहे. सततच्या खड्ड्यांमुळे नागरिकांना रस्त्यावरुन प्रवास करणे कठीण झाले आहे.

या खड्ड्यांमुळे रिक्षा व्यावसायाला देखील माेठा फटका बसू लागला आहे. तसेच वाहनांचे देखील नुकसान हाेऊ लागले आहे. रस्त्यावरील खड्ड्यांना कंटाळून संदीप खाडे या रिक्षा चालकाने जिल्हाधिकारी यांना परभणी शहर दर्शन असे पत्रिका छापून त्यावर आपली व्यथा मांडत रस्त्यावरुन प्रवास करण्याचे निमंत्रण दिले आहे.

Edited By : Siddharth Latkar