MLA Disqualification Case: खरी शिवसेना कुणाची? शिंदे-ठाकरेंना पुरावे सादर करण्यासाठी ८ दिवसांची मुदत शिल्लक

सूरज मसूरकर

Mumbai News :

शिवसेनेत पडलेल्या फुटीनंतर आमदार अपात्रता प्रकरणी ३ ऑक्टोबरला सुनावणीचे वेळापत्रक जाहीर करण्यात आले होते. त्यानुसार, १३ ऑक्टोबर ते २३ नोव्हेंबर दरम्यान विधानसभा अध्यक्ष राहुल नार्वेकर यांच्यासमोर युक्तिवाद चालणार आहे. अशात पुरावे सादर करण्यासाठी दोन्ही गटांकडे फक्त एक आठवड्याची मुदत शिल्लक आहे. (Latest Marathi News)

शिवसेना कुणाची? यावरून शिंदे आणि ठाकरे दोन्ही गटांना योग्य पुरावे सादर कराण्याची नोटीस देण्यात आलीये. विधीमंडळ सचिवांकडून ही नोटीस देण्यात आलीये. दोन्ही गटांना आपले वर्चस्व सिद्ध करण्याची संधी मिळावी यासाठी दोन आठवड्यांची मुदत देण्यात आली होती.

निवडणूक आयोगाच्या निर्णयानंतर आता विधीमंडळाच्या निर्णयाकडे सर्वांचं लक्ष वेधलं आहे. गेल्या आठवड्यात मंगळवारी ही नोटीस बजावण्यात आली होती. त्यानुसार शिंदे-ठाकरेंना उत्तर देण्यासाठी ८ दिवसांची मुदत शिल्लक आहे.