दारु वाहतुकीसाठी लाच मागणाऱ्या महिला पोलिसांचा पर्दाफाश; लाचलूचपत पथकांनी पकडलं रंगेहात

जालना : नवीन जालना (Jalna) शहरातील एका अधिकृत परवानाधारक दुकानामध्ये बायपास रोड देशी दारूची वाहतूक केली जाते. ही दारूची वाहतूक कदीम जालना पोलीस ठाण्याची (Kadim Jalna Police Station) चौकी असलेल्या मस्तगड पोलीस चौकीच्या पोहेकाँ. वसंत रत्नपारखे आणि महिला पोलीस नाईक सुनिता कांबळे यांनी काही दिवसापूर्वी पकडली होती.

मात्र या रोडने दारूची वाहतूक (Transportation of Liquor) करायची असेल तर आम्हाला दर महिन्याला साडेपाच हजाराचा हप्ता द्यावा लागेल अशी मागणी करून विक्रेत्यास हे दोघे कर्मचारी वारंवार त्रास देत होते. हप्ता देण्याची इच्छा नसल्याने सदर दुकानदाराने लाचलुचपत प्रतिबंधक विभागाकडे (Bribery Prevention Department) तक्रार केली होती.

आज साडेपाच हजार रुपयाची लाच घेताना मस्तगड पोलीस चौकीतच महिला पोलीस नाईक श्रीमती कांबळे यांना लाचलूचपत पथकांनी रंगेहात पकडण्यात अटक केलीय.महिला पोलिस कर्मचऱ्यासह लाच मागणाऱ्या फरार असलेल्या पोहेकाँ.रत्नपारखे यांच्या विरुद्ध कदीम जालना पोलिस ठाण्यात गुन्हा दाखल करण्याची प्रक्रिया सुरू आहे.

Edited By - Jagdish Patil