Satara News : राष्ट्रवादी काँग्रेस पक्षाचे सर्वेसर्वा शरद पवार आज सातारा दौऱ्यावर आहेत. शरद पवारांच्या सातारा दौऱ्यात हजारो कार्यकर्ते गाड्यांच्या ताफ्यासह त्यांच्यासोबत होते.
त्यामुळे वाहतूक पोलिसांची टप्प्याटप्यावर नेमणूक करण्यात आली होती. दरम्यान महामार्गावर तैनात असणाऱ्या वाहतूक पोलीस कर्मचाऱ्याचं हृदयविकाराच्या झटक्याने निधन झालं आहे.
सोमनाथ शिंदे असं या पोलीस कर्मचाऱ्याचं नाव आहे. शरद पवारांच्या दौऱ्यासाठी महामार्गावर त्यांची नियुक्त करण्यात आली होती. हृदयविकाराचा तीव्र झटका आल्याने सोमनाथ शिंदे यांचा मृत्यू झाल्याची माहिती आहे.
सोमनाथ शिंदे हे सातारा शहर वाहतूक शाखेत कार्यरत होते. रस्त्यातच त्यांना हृदयविकाराचा झटका आल्याने जवळच्या रुग्णालयात उपचारासाठी दाखल करण्यात आले. मात्र उपचाराआगोदरच त्यांचा मृत्यू झाल्याचं डॉक्टरांनी जाहीर केलं. या घटनेने सातारा पोलीस दल शोकाकूल झालं आहे. (Latest Marathi News)
धावपळीच्या जीवनशैलीमुळे लोकांमध्ये हार्टअटॅक आणि स्ट्रोकचा प्रादुर्भाव वाढत चालला आहे. स्ट्रेस, अयोग्य खानपान, खराब लाइफस्टाइल, झोप पूर्ण न होणे, दारू आणि सिगरेट या गोष्टींचे प्रमाण जास्त वाढल्याने तुम्हाला हृदयविकारासारख्या गंभीर आजाराला तोंड द्यावे लागू शकते.
हार्ट अटॅक आणि स्ट्रोकच्या धोक्यापासून वाचण्यासाठी तुमच्या शरीरामध्ये होणाऱ्या वेगवेगळ्या बदलांवरती तुमचं लक्ष असलं पाहिजे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
