Sangli Crime News : सांगली (sangli) जिल्ह्यातील मिरज (miraj) तालुक्यातील खोतनगर येथील अतिक्रमण हटविण्यासाठी गेलेल्या पथकासमोरच वृद्ध महिलेने अंगावर पेट्रोल ओतून पेटवून घेण्याचा प्रयत्न केला. त्यामुळे परिसरात एकच खळबळ उडाली. दरम्यान या घटनेनंतर पाेलिसांनी (police) संबंधित महिलेवर गुन्हा दाखल केला आहे. (Maharashtra News)
सांगलीच्या मिरज-मालगांव रोड वरील खोतनगर येथील सुमन मनोहर वाघमारे, सुरेश मनोहर वाघमारे यांनी महापालिकेच्या सार्वजनिक रस्त्यावर अतिक्रमण करून पुर्ण रस्ताच बंद केला असल्याबाबत मिरज सुधार समिती गेल्या दिड वर्षापासून महापालिकेकडे पाठपुरावा करीत आहे.
याबाबत सुधार समितीने ३१ मेपासून बेमुदत धरणे आंदोलनाचा इशारा दिल्यानंतर आयुक्त सुनील पवार, उपायुक्त स्मृती पाटील यांनी सदर रस्त्यावरील अतिक्रमण हटविण्याचे आदेश दिले होते.
त्यानुसार काल अतिक्रमण विरोधी पथकाचे अधिकारी व कर्मचारी अतिक्रमण हटविण्यास गेले असता सुमन वाघमारे या महिलेने अंगावर पेट्रोल ओतून पेटवून घेण्याचा प्रयत्न केला. वेळीच महापालिकेच्या कर्मचारी व अधिकाऱ्यांनी सावधानता बाळगत आग विझवली. याबाबत महापालिकेने त्यांच्या विरोधात कारवाई करताना शासकीय कामात अडथळा आणल्याप्रकरणी मिरज शहर पोलिसांत तक्रार दिली.
या तक्रारीनूसार वाघमारे यांच्यावर गुन्हा दाखल केला असल्याची माहिती सहायक आयुक्त अशोक कुंभार यांनी दिली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
