Latur Crime News : लातूरात १ लाख २८ हजारांचा गांजा जप्त

Latur Crime News : लातूर परिसरातील एका शेतशिवारात तब्बल १ लाख २८ हजार रुपयांचा गांजा जप्त करण्याची कारवाई स्थानिक गुन्हे शाखेच्या वतीने करण्यात आली. स्थानिक गुन्हे शाखेच्या (lcb) पथकाने गोपनीय माहितीच्या आधारावर सापळा रचून ही कारवाई केली. (Breaking Marathi News)

स्थानिक गुन्हे शाखेच्या पथकाने चांडेश्वर शिवारात छापा टाकून शेतात झुडपामध्ये गांजाची अवैध विक्री व्यवसाय करण्यासाठी खाताच्या पोत्यामध्ये भरून ठेवलेला ३ किलो ६७० ग्रॅम गांजा किंमत अंदाजे १ लाख २८ हजार चारशे पन्नास रुपयाचा मुद्देमाल जप्त केला. या प्रकरणी ३ जणांवर गुन्हा (crime) दाखल करण्यात आला आहे.

एलसीबीचे सहाय्यक पोलीस (police) निरीक्षक सचिन द्रोणाचार्य यांच्या फिर्यादीवरून काशिनाथ गोविंद चव्हाण याच्यासह इतर दोघांवर पोलिस ठाणे लातूर ग्रामीण येथे गुंगीकारक औषधी द्रव्य आणि मनोव्यापारावर परिणाम करणारे पदार्थ अधिनियम १९८५ नुसार गुन्हा नोंद करण्यात आला आहे.

Edited By : Siddharth Latkar