- नवनीत तापडिया
Chhatrapati Sambhaji Nagar News : छत्रपती संभाजीनगर येथील आदर्श नागरी सहकारी पतसंस्थेच्या 200 कोटींच्या प्रकरणी पतसंस्थेचे अध्यक्ष अंबादास मानकापे यास पोलिसांनी अटक केली. दरम्यान या घाेटाळ्यामुळे चिंतेत असलेल्या ठेवीदांरापैकी एका ठेवीदाराने आज त्यांचे जीवन संपविल्याची घटना जिल्ह्यातून समाेर आली आहे.(Maharashtra News)
आदर्श नागरी पतसंस्थेच्या संचालकांवर वेगवेगळ्या संस्थांच्या आणि जवळच्या व्यक्तीच्या नावावर कर्ज लाटून 200 कोटींचा घोटाळा केल्याचा ठपका ठेवण्यात आला आहे. याप्रकरणी अध्यक्ष अंबादास मानकापे याच्यासह 50 जणांवर गुन्हा दाखल करण्यात आला आहे.
छत्रपती संभाजीनगर जिल्ह्यात या आदर्श पतसंस्थेमध्ये मजुरी करणारे कामगार, शेतकरी, नोकरदार या सगळ्यांनी आपल्या मेहनतीचे पैसे पतसंस्थेमध्ये ठेवले आहेत. मात्र त्यांच्याच पैशावर संचालकांनीच डल्ला मारल्याचा प्रकार झाला आहे.
आता आपले पैसे परत मिळावे म्हणून पतसंस्थेच्या दारावर बसून ठेवीदारांना विनंती करावी लागत आहे. मानकापे यास अटक झाल्यानंतर पोलिस पुढची काय कारवाई करणार हे पाहावे लागणार आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.