आंदोलन मोडीत काढण्यासाठी मराठा बांधवांचे फोन टॅपिंग सुरु

कैलास चौधरी

सोलापूर : आमचे आंदोलन मोडीत काढण्यासाठी आमचे फोन टॅपिंग सुरु आहेत. असा आरोप मराठा क्रांती ठोक मोर्चाचे (Maratha Kranti Thok Morcha) सोलापूरचे समन्वयक राम जाधव, उस्मानाबादचे (Usmanabad) समन्वयक महेश डोंगरे आणि सुनील नगणे यांनी केला आहे. मराठा आरक्षणाच्या (Maratha reservation) स्थगितीनंतर मराठा समाजाने पुन्हा एकदा आंदोलनाचे (Agitation) हत्यार उपसले आहे. सोलापूर (Solapur) येथून मराठा आरक्षण आक्रोश मोर्चाची सुरुवात करण्यात आली. राज्यात अनेक ठिकाणी मराठा समाजाने आक्रमक पवित्रा घेतला आहे. (Police are tapping the phones of Maratha brothers to break the agitation)

सोलापूर येथून मराठा आरक्षण आक्रोश आंदोलनासाठी सोलापूर जिल्ह्यासह इतरही काही जिल्ह्यातील मराठा बांधव सहभागी होणार होते. मात्र पोलिसांनी आमचे फोन टॅपिंग करुन चोख बंदोबस्त ठेवला. आंदोलनाात सहभागी होणाऱ्या ज्या मराठा बांधवांना आम्ही संपर्क केला होता, त्यांना तिथेच अडवण्यात आले. असा गंभीर आरोप मोर्चाचे समन्वयक राम जाधव यांनी राज्य सरकारवर केला आहे. तसेच, सरकार आम्हाला घाबरले असून जागोजागी पोलीस बंदोबस्त ठेवण्यात आल्याचे समन्वयकांनी म्हटले आहे.

इतकेच नव्हे तर, आम्हाला पिण्याचे पाणीही मिळू नये अशी व्यवस्था करण्यात आली असून ही दडपशाही असल्याचेही मराठा समन्वयकांनी म्हटले आहे. आम्ही काही दरोडेखोर आहोत का, असा सवाल समन्वयक महेश डोंगरे यांनी केला आहे. मात्र आमच्या घरावर सीसीटीव्ही कॅमेरे लावले तरीही आम्ही आंदोलन करणारच, आंदोलनात सहभागी होणारच, अशी ठाम भूमिकाही समन्वयक सुनील नगणे व्यक्त केली आहे.

Edited By- Anuradha