पिंपरी चिंचवड : पिंपरी चिंचवड शहर पोलिसांनी अंमली पदार्थ विरोधी कारवाया सुरु केल्या आहेत. याच दरम्यान अंमली पदार्थ विरोधी पोलिस पथकाने मोठी कारवाई केली आहे. या कारवाईत जवळपास ६८४ किलो ग्रॅम इतक्या वजनाचा गांजा जप्त केला आहे. तर जप्त केलेला हा अंमली पदार्थ जाळून नष्ट करण्यात आला आहे.
अनेकदा कारवाई होत असताना देखील अंमली पदार्थ विक्री सर्रासपणे सुरु आहे. या कारवाया रोखण्याचे आव्हान पोलिसांसमोर आहे. दरम्यान पिंपरी चिंचवड शहर पोलिसांनी मागील काही दिवसांपासून अंमली पदार्थ विरोधात कारवाई करण्यास सुरवात केली आहे. मागील काही दिवसांमध्ये करण्यात आलेल्या कारवाईत ५२ गुन्ह्यामध्ये जवळपास ६८४ किलोग्रॅम गांजा हा अंमली पदार्थ जप्त करण्यात आला होता.
अखेर ६८४ किलो गांजा केला नष्ट
दरम्यान पोलिसांनी जप्त केलेला अंमली पदार्थ पोलिसांच्या कस्टडी ठेवण्यात आलेला होता. मागील बऱ्याच दिवसांपासून गांजा साठवून ठेवला होता. मात्र पोलिसांनी संबंधित विभागाची परवानगी घेऊन शिरूर तालुक्यातील रांजणगाव एमआयडीसीमधील महाराष्ट्र इनवायरो प्रायव्हेट लिमिटेड कंपनीच्या भट्टीमध्ये हा गांजा जाळून नष्ट केला आहे.
गौण खनिज उत्खनन प्रकरणी ३० जणांवर कारवाई
विनापरवाना गौण खनिज उत्खनन करणाऱ्या ३० जणांवर कारवाई करत पिंपरी चिंचवड अपर तहसील कार्यालयाने दंडात्मक कारवाई केली आहे. या कारवाईत १८ कोटी रुपयांचा महसूल जमा केला आहे. पिंपरी चिंचवड शहरात बांधकामे केली जात असताना त्यासाठी आवश्यक असणारी खडी, मुरूम उत्खनन करून मिळवला जातो. मात्र त्यासाठी अपर तहसीलदारांकडे रितसर अर्ज सादर करावा लागतो. हा अर्ज सादर न केल्यामुळे ही कारवाई केली जात असल्याचं प्रशासनाने सांगितल आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
