Pimpri Chinchwad : मॉर्निग वॉकला येत चोरायचा दुचाकी; उच्चशिक्षित तरुणाचा कारनामा उघड, पोलिसांनी घेतले ताब्यात

पिंपरी चिंचवड : पिंपरी चिंचवड शहर पोलिसांच्या चिखली पोलिसांनी एका उच्चशिक्षित दुचाकी वाहन चोरट्याला बेड्या ठोकल्या आहेत. तसेच त्याच्या ताब्यातून जवळपास ७ लाख ३० हजार रुपये किंमतीच्या १६ दुचाकी जप्त केल्या आहेत. 

कम्प्युटर सायन्स असे शिक्षण झालेल्या महादेव शिवाजी गरड (वय २६) असं दुचाकी वाहन चोरणाऱ्या उच्चशिक्षित चोरट्याचं नाव आहे. महादेव शिवाजी गरड हा चिखली पोलीस (Police) स्टेशन हद्दीतील फक्त होंडा युनिकॉर्न कंपनीच्या दुचाकी वाहन चोरी करत असल्याचे पोलीस तपासात उघडकीस आले आहे. या दुचाकी डुप्लिकेट चाव्याच्या माध्यमातून पहाटे चार ते सात वाजता दरम्यान रस्त्याच्या कडेला पार्क केलेली वाहन चोरी करत होता. (Pimpri Chinchwad) मॉर्निंग वॉक करिता लागणारी वेशभूषा धारण करून महादेव गरड हा वाहन चोरी करत असल्याने नागरिकांना त्याच्यावर संशय देखील येत नव्हता. 

मार्केट प्लेसवर कमी दरात विक्री 

दरम्यान महादेव गरड याने चोरी केलेल्या दुचाकी वाहन तो फेसबुक मार्केट प्लेसवर अजय नावाचे अकाउंट बनविले होते. या अकाऊंटवरून या दुचाकी केवळ २५ ते ३० हजार रुपयात विकून तो सर्वसामान्य नागरिकांची फसवणूक करत होता; असं पोलीस तपासच उघडकीस आला आहे.