Nagpur News : नागपूर जिल्ह्यात एका पेट्रोल पंप व्यावसायिकाची भरदिवसा हत्या करण्यात आली आहे. त्यानंतर हल्लेखाेरांनी पेट्राेल पंपावरुन सुमारे दाेन लाख रुपयांची लूट करुन पाेबारा केली आहे. घटनास्थळावर स्थानिक नागरिकांची माेठी गर्दी जमली आहे (Maharashtra News)
ही घटना नागपूर जिल्ह्यातील भिवापूर (bhivapur) तालुक्यात आज (बुधवार) दुपारच्या सुमारास घडली. तिघांनी धारदार शस्त्रांनी पेट्रोल पंप मालक दिलीप सोनटक्के (dilip sontakke) यांची हत्या केली.
साेनटक्के यांच्यावर अचानक झालेल्या हल्ल्यामुळे पेट्राेल पंपावर एकच गाेंधळ उडाला. या हल्लेखोरांकडे बंदुका देखील हाेत्या अशी माहिती घटनास्थळावरुन मिळाली. या हत्येनंतर पेट्रोल पंपाच्या तिजोरीतील दोन लाख रुपये घेऊन तिघा जणांना पळ काढला आहे.
या घटनेनंतर पेट्राेल पंपावर नागरिकांची माेठी गर्दी जमा झाली. ही हत्या अनैतिक संबंध, प्रॉपर्टी आणि लुटपाटच्या उद्देशाने केल्याची प्राथमिक माहिती उपलब्ध झाली आहे. पोलीस घटनास्थळी पाेहचले असून भिवापूर तालुक्यासह नागपूरात संशयित आरोपींचा शोध सुरु आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
