यवतमाळमध्ये पेट्रोलचे दर पुन्हा भडकले

प्रसाद नायगावकर

यवतमाळ :  पेट्रोल आणि डिझेलच्या भावात सातत्याने भाववाढ होताना दिसत आहे . सद्या यवतमाळ येथे पेट्रोलचा दर हा १०५.७६   रुपये  डिझेलचा दर हा ९६,१२  रुपये  इतका आहे. पेट्रोल आणि डिझेलमध्येही सातत्याने वाढ होत आहे. आज पेट्रोलचे दर हे ३४   पैशानी तर डिझेलचे दर हे  २५ पैशानी महागले आहेत. पेट्रोल डिझेलच्या दरात रोज सकाळी ६ वाजता बदल होत असतो.

सकाळी ६ वाजताच नवे दर लागू होत असतात. परकीय चलन दरासह आंतरराष्टीय बाजारात कच्या तेलाच्या किमती काय आहे यानुसार रोज पेट्रोल आणि डिझेलच्या किमतीत बदल होतो . रोज वाढणाऱ्या पेट्रोल आणि डिझेलच्या किमतीमुळे मात्र सर्वसामान्यांचे मात्र कंबरडं मोडलं आहे.

सद्या शेतीचे कामे चालू आहेत .मजुरी परवडणारी नसल्याने शेतकरी सर्व कामे यांत्रिकी पद्धतीने करतात. जेंव्हा वीज नसते तेंव्हा उन्हाळी पिकांना डिझेलच्या पंपाने शेतीत पाणी टाकले जाते. अशातच डिझेलचे भाव सातत्याने वाढत असल्याने शेतकरी हवालदिल झाले आहेत. कोरोना काळात अनेकांचे रोजगार हिरावल्या गेले. अशा स्थितीत केंद्र शासनाने पेट्रोल, डिझेलची  ज्या पद्धतीने दरवाढ केली आहे ही क्रूर थट्टाच  म्हणावी लागेल.

Edited By- Annuradha Dhawade