रत्नागिरी : मुंबई - गोवा महामार्गावरील (mumbai goa highway) परशुराम घाट (parshuram ghat) वाहतूकीसाठी आजपासून (मंगळवार) पुढील आठ दिवसांसाठी बंद ठेवण्याचा निर्णय घेण्यात आला आहे. महामार्ग प्रशासनाच्या अहवालानंतर पुढील निर्णय घेण्यात येईल असे सांगितले जात हाेते. या घाटात पावसामुळे दरड आणि माती ढासळत असल्याने सुरक्षितीतेसाठी प्रशासनाने वाहतुकीसाठी घाट बंद ठेवण्याचा निर्णय घेतला आहे अशी माहिती सूत्रांनी दिली. (parshuram ghat latest marathi news)
मुंबई गोवा महामार्गावरील परशुराम घाट वाहतुकीसाठी धोकादायक बनला आहे. सध्या घाटात महामार्गाच्या चौपदरीकरणाचे काम सुरू आहे. त्यामुळे काही ठिकाणी दरड देखील कोसळत आहे. त्यामुळे घाट गेल्या 20 तासांपासून वाहतुकीसाठी बंद करण्यात आलेला आहे.
या धोकादायक बनलेल्या घाटाची पाहणी रत्नागिरी सिंधुदुर्गचे (sindhudurg) खासदार विनायक राऊत यांनी आज केली. परशुराम देवस्थान आणि त्याच्या आजूबाजूला असलेले घर यांना धोका निर्माण झाला आहे. ठेकेदारांना ज्या सूचना दिल्या होत्या त्याची पूर्तता झालेली नाही.
येणारा पाण्याचा प्रवाह मेंटेन करा, घराला धोका निर्माण होणार नाही याची काळजी घ्या त्याचबरोबर तिथल्या घरातील लोकांना देखील काळजी घेण्याच्या सूचना खासदार विनायक राऊत यांनी दिल्या. या मार्गावरील अवजड वाहनांची वाहतुक पूर्णपणे बंद करण्यात आली आहे. त्याचबरोबर छोट्या गाड्या आहे त्या सुरु ठेवायच्या की नाही याबाबत सध्या विचार सुरु आहे असेही खासदार विनायक राऊत यांनी नमूद केले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
