परभणी : ट्रॅक्टर व दुचाकी अपघातात एक जण जागीच ठार झाला असून एक जण गंभीर जखमी झाला आहे. ही घटना पाडव्याच्या दिवशी शनिवारी रात्रीच्या सुमारास सेलू (Selu) ते सातोना रस्त्यावर घडली. सेलू येथील सुनील अनंतराव राजवाडकर ( वय ५५ ) रा. ब्राह्मणगल्ली, सेलू व ऋषिकेश अंबादास नरळदकर (वय २२ ) रा. समतानगर, सेलू हे दुचाकीने (एम.एच. २० ए.व्ही. २३१४) वाकी येथून महादेवाचे दर्शन घेऊन सेलू येथे येत होते.
हे देखील पहा :
शनिवारी रात्रीच्या सुमारास सेलू येथून हादगाव पावडेकडे भरधाव वेगाने जाणाऱ्या ट्रॅक्टरने (Tractor) या दुचाकीला जोरदार धडक दिली. त्यात दुचाकी (Bike) ट्रॅक्टरखाली सापडली. अपघातात (Accident) सुनील राजवाडकर हे जागीच ठार झाले. तर ऋषिकेश नरळदकर हे गंभीर जखमी झाले. ग्रामस्थांनी मदतकार्य करत सेलु उपजिल्हा रुग्णालयात प्रथमोपचार केल्यानंतर जखमी ऋषिकेश नरळदकर यांना पुढिल उपचारासाठी परभणी (Parbhani) येथे हलविण्यात आले. पोलीस कर्मचाऱ्यांनी घटनास्थळी पंचनामा करून ट्रक्टर चालकाचा शोध सुरू केला आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.