Scorching Summer In Parbhani: उन्हाचा पारा चढला; परभणीकरांच्या अंगाची लाही-लाही

Parbhani :

परभणी शहर व परिसरात दिवसेंदिवस उन्हाचा तडाखा वाढू लागला आहे. आज शहरात 40 डिग्री सेल्सियस कमाल तापमानाची नाेंद झाली आहे. पुढील काही दिवस तापमानात वाढ होण्याचा अंदाज वसंतराव नाईक मराठवाडा विद्यापीठाने वर्तविला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

परभणी शहर आणि परिसरात मागील आठवड्या पासून सातत्याने तापमान वाढ होत आहे. कालच्या तापमानापेक्षा आज 5 अंशची वाढ झाली आह़े. उन्हामुळे जनजीवनावर माेठा परिणाम झाला आहे.

दुपारच्या वेळी उन्हाचे चटके बसत असल्याने शहरातील रस्त्यांवरील वर्दळ कमी झाली आहे. सायंकाळच्या सुमारास नागरिकांची थाेडी फार वर्दळ बाजारपेठेत असते. उन्हाच्या झळांची तीव्रता कमी करण्यासाठी नागरिक गॉगल, टोपी, छत्री आदींचा वापर करीत आहेत. पुढील काही दिवस तापमानात वाढ होण्याचा अंदाज वसंतराव नाईक मराठवाडा विद्यापिठाने वर्तविला आहे. (Maharashtra News)

Edited By : Siddharth Latkar