Parbhani News : नाल्याच्या पुरात दोन महिला गेल्या वाहून; एका महिलेचा मृत्यू

परभणी : परभणी जिल्ह्यातील मानवत तालुक्यात सोमवारी सायंकाळी ढगफुरी सदृश्य पाऊस झाला. यामुळे नाल्यात पाणी आले होते. यावेळी शेतातून घरी परतत असताना दोन महिला नाल्याच्या पुरात वाहून गेल्या होत्या. यात एका महिलेचा मृत्यू झाला आहे. तर दुसऱ्या महिलेला उपचारासाठी दाखल करण्यात आले आहे. 

परभणी जिल्ह्यातील मानवत तालुक्यात सोमवारी सायंकाळच्या वेळेस पावसाने जोरदार हजेरी लावली. या दरम्यान मानवत तालुक्यातील मानोली येथे ढगफुटी सदृश्य पाऊस (Heavy Rain) झाला. दरम्यान पाऊस आल्याने शेतात गेलेल्या दोन महिला घरी परत येत होत्या. मात्र गावालगतच्या नाल्याला मोठ्या प्रमाणात पाणी आले होते. या पाण्यात उतरून निघण्याचा प्रयत्न दोघांनी केला. मात्र महिलांना पाण्याचा अंदाज न आल्याने दोन्ही महिल्या वाहून गेल्या.  

आज सकाळी सापडला मृतदेह 

सदर घटनेची माहिती गावात कळाल्यानंतर गावाकऱ्यांनी शोध घेत रंजना भास्करराव सुरवसे यांनी झाडाला पकडल्याने त्या सापडल्या. बेशुद्ध अवस्थेत त्यांना मानवत ग्रामीण रुग्णालयात दाखल करण्यात आले. मात्र सुनीता धुराजी लव्हाळे या वाहून गेल्याने गावाकऱ्यांनी शोध घेतला असता सापडल्या नाही. आज सकाळी सुनीता लव्हाळे मानोलीपासून दहा किलोमीटर अंतरावर झोडगाव शिवारात सुनीता लव्हाळे या मृत (Death) अवस्थेत मिळून आल्या.