एसटी कर्मचाऱ्याची आत्महत्या; आत्महत्येचे कारण अस्पष्ट

परभणी : जिंतूर शहरातील खैरी प्लॉट भागात राहणाऱ्या (Jintur) एसटी महामंडळात मेकॅनिकल असलेल्या 35 वर्षीय कर्मचाऱ्याने राहत्या घरात गळफास घेऊन आत्महत्या केली. सदर घटना आज (14 नोव्हेंबर) सकाळी 9 वाजेच्या सुमारास उघडकीस आली असून आत्महत्येचे कारण अस्पष्ट आहे. (Breaking Marathi News)

जिंतूर शहरातील खैरी प्लॉट भागात राहणारे कैलास उत्तमराव कटारे हे एसटी महामंडळात मेकॅनिकल म्हणून काम करत होते. घटनेच्‍या दिवशी (Parbhani) सकाळी ते घराच्‍या बाहेर आले नाही. शिवाय सकाळी ड्युटीला आले नसल्यामुळे व मोबाईल उचलत नाही. म्हणून महामंडळातील कर्मचाऱ्याने नातेवाईकांना विचारले. यावरून घरात पाहणी केली असता कैलास कटारे यांनी घरात गळफास घेतल्याचे दिसून आले.

आत्महत्येचे कारण अस्पष्ट

शेजाऱ्यांनी पोलिसांना माहिती दिली. यावरून पोलीस निरीक्षक दिपक दंतुलवार यांनी सहकारी पोलीस उपनिरीक्षक विकास कोकाटे, बिट जमादार लीला जोगदंड, दिपक वातोडे, डुकरे यांच्यासह पाहणी करून पंचनामा केला. यावेळी मृतदेह उत्तरीय तपासणीसाठी ग्रामीण रुग्णालयात दाखल करण्यात आला आहे. आत्महत्येचे कारण अस्पष्ट असून पोलीस तपासातच सत्य काय ते समोर येईल. दरम्यान आत्महत्या केलेल्या कैलास कटारे यांच्या पश्चात आई, पत्नी, एक मुलगी असा परिवार आह़े. पोलीस ठाण्यात घटनेची नोंद करण्याची प्रक्रिया चालू होती.