Parbhani News: महिला वाहकाच्‍या हाती खराटा; बस केली सफाई, सोशल मीडियावर व्हिडिओ व्हायरल

परभणी : राज्‍य परिवहन महामंडळाची बस ही ग्रामीण भागासाठी जीवनवाहीनी ठरली आहे. यात आता शासनाकडून विविध योजना लागू केल्‍याने (St Bus) बसमधील प्रवाशांची संख्‍या पुन्‍हा वाढली आहे. परंतु, या बसमधून (Parbhani News) प्रवाशांना प्रवास करताना अस्‍वच्‍छतेचा सामना करावा लागतो. याकरीता महिला बस वाहकांनी स्‍वतः झाडू हाती घेवून साफसफाई केली. (Live Marathi News)

राज्य परिवहन महामंडळाने (MSRTC) महिलांना सवलतीच्या दरात एसटी प्रवासची घोषणा केल्यानंतर प्रवाशांची संख्या मोठ्या प्रमाणात वाढली आहे. अर्थात प्रवाशी वाढल्‍याने त्या एसटीमध्ये कचरा देखील अधिक साठू लागला आहे. परंतु राज्य परिवहन महामंडळ या कचऱ्याच्या साफसफाईकडे दुर्लक्ष करत असल्यामुळे परभणी जिल्ह्यातील महिला वाहकाला स्वतःच गाडी साफ करण्याची वेळ आली आहे.

प्रवाशी बसले असतानाच हाती खराटा

मुळात प्रवाशांना चांगला प्रवास व्‍हावा; यासाठी महामंडळाने बस फेरी झाल्‍यानंतर त्‍याबसची सफाई करणे गरजेचे आहे. परंतु, असे होताना दिसून येत नाही. याच कारणामुळे महिला वाहकाने हातामध्ये खराटा घेऊन प्रवासी बसलेले असताना गाडी साफ केली. हा व्हिडिओ सध्या सोशल मीडियावर व्हायरल होऊ लागला आहे.