Bribe Trap: महिला तलाठीने घेतली वीस हजाराची लाच; एसीबीच्‍या सापळ्यात अटक

परभणी : सातबारा उताऱ्यावर जमिनीची नोंद करून फेरफार करण्यासाठी २० हजार रुपयांच्या लाचेची (Bribe) मागणी करणाऱ्या रुमणा सज्जाच्या तलाठी शिल्पा किशनराव घाटोळ लाचलुचपत प्रतिबंध विभागाच्या (ACB) सापळ्यात अडकल्या आहेत. त्यांच्या विरुध्द नवामोंढा पोलिस ठाण्यात गुन्हा दाखल करण्यात आला आह़े. (Live Marathi News)

लाचलुचपत विभागाला मिळालेल्‍या तक्रारीची पडताळणी केली असता तलाठी शिल्पा घाटोळ यांनी २० हजाराची पंचासमक्ष मागणी केल्याचे निष्पन्न झाले. तक्रारदारच्या आईस न्यायालयाच्या आदेशाने वडिलोपार्जित जमिनीचा हिस्सा मिळाला होता. त्या जमिनीच्‍या सातबारा उताऱ्यावर नोंद करुन फेरफार घेण्यासाठी तक्रारदाराने गंगाखेड तालुक्यातील रुमणा सज्जाचे तलाठी शिल्पा घाटोळ यांच्याशी संपर्क साधला.

मात्र तलाठी घाटोळ यांनी पंचासमक्ष २० हजार रुपयांची मागणी केली होती. पैशांची मागणी केली असल्याची तक्रार २१ मार्चला लाचलुचपत विभागाला आली होती. तक्रारीची पडताळणी केली असता २० हजाराची लाच घेतल्याचे पंचासमोर निष्पन्न झाले. यानंतर शिल्पा घाटोळ यांच्यावर परभणीच्या नवामोंढा पोलीस ठाण्यात गुन्हा करण्यात आला आह़े.