Selu Bajar Samiti : मालमत्ता कराचे थकविले ७५ लाख; थकबाकीपोटी सेलू कृउबाला लावले सील

परभणी : सेलू येथील कृषी उत्पन्न बाजार समिती यांच्याकडे मालमत्ता कराची ७५ लाख रुपयाची थकबाकी आहे. नोटीस दिल्यानंतर देखील कराची रक्कम भरणा न केल्याने सेलू नगर परिषदेने बाजार समितीच्या सचिव, लेखापालाचे कार्यालय सील केले आहे. नगर परिषदेने आज हि कारवाई केली आहे. 

मोठ्या थकबाकीदारांकडील वसुली करण्यावर नगरपालिका, महापालिका प्रशासनांचा भर आहे. त्यानुसार सेलू नगर परिषदेअंतर्गत असलेल्या (Selu) सेलू बाजार समितीकडे तब्बल ७५ लाख रुपयांची थकबाकी आहे. हि थकबाकीची रक्कम भरण्यासंदर्भात नगरपरिषदेने वारंवार नोटीस दिल्या आहेत. मात्र बाजार समितीकडून थकबाकी भरण्याकडे दुर्लक्ष केले जात होते. यापूवीर्ती मालमत्ता कराच्या थकबाकी पोटी बाजार समितीला (Bajar Samiti) सील ठोकले होते. मात्र त्यानंतर अर्धी अधिक रक्कम भरून बाजार समितीने तात्पुरती सुटका करून घेतली होती. मात्र ती रक्कम वाढत जाऊन आज पुन्हा बाजार समितीला सील केले आहे. 

हमाल- मापाडीतही वाद 

दरम्यान आज सकाळी मोंढा परिसरात व्यापारी आणि हमाल मापाडी यांच्यात वाद निर्माण झाला होता. त्यात हमाल- मापाड्यांनी खासगी व बाजार समिती परिसरात काम बंद आंदोलन सुरू केले आहे. शेतकऱ्यांच्या हितासाठी दोघांनी खबरदारी घ्यावी; अशी मागणी होत आहे.