Maharashtra Bandh : परभणीतील आंदोलक सोमनाथ सूर्यवंशी मृत्यूप्रकरण, महाराष्ट्र बंदची हाक

Maharashtra Bandh News : परभणी शहरात डॉ बाबासाहेब आंबेडकर यांच्या समोर असलेल्या संविधान प्रतिमेची तडफोडीमुळे वादंग झाला होता. दुसऱ्या दिवशी परभणी बंदची हाक देण्यात आली होती. या परभणी बंद दरम्यान हिंसाचार झाला होता, त्यानंतर पोलिसांनी अनेकांना अटक केली होती. त्यामधील सोमनाथ सूर्यवंशी (. ३५) या युवकाचा न्यायालयीन कोठडीत मृत्य झाला. हा मृत्यू पोलिसांच्या मारहाणीत झाल्याचा आरोप करण्यात येत आहे. त्या पार्श्वभूमीवर आज महाराष्ट्र बंदची आज हाक देण्यात आली आहे. रिपब्लिकन पार्टी ऑफ इंडियाचे राष्ट्रीय अध्यक्ष सचिन खरात यांनी महाराष्ट्र बंदची हाक दिली आहे. बीड, परभणी, नांदेड, कोल्हापूर आणि नांदेडमध्ये बंदला समिश्र पाठिंबा मिळत असल्याचे दिसत आहे.

परभणीच्या या घटनेनंतर जिल्ह्यात तणावाची परिस्थिती आहे. सचिन खरात यांनी दिलेल्या महाराष्ट्र बंदला शिवसेना ठाकरे गटाकडून पाठिंबा देण्यात आलाय. अंबादास दानवे यांनी या प्रकरणात एसपी आणि जिल्हाधिकारी यांना निलंबित केलं पाहिजे अशी मागणी केली.

प्रकरण काय आहे ?

परभणी बंदवेळी झालेल्या हिंसाचार आणि दगडफेकीच्या घटनेच्या पार्श्वभूमीवर 50 जणांना पोलिसांनी ताब्यात घेतले होते. यात 35 वर्षे एका तरुणाचा न्यायालयीन कोठडीतच मृत्यू झाला. छातीत कळ आल्याने या तरुणास दवाखान्यात नेण्यात आले, रुग्णालयात नेताच डॉक्टरांनी त्याला मृत घोषित केले, असा दावा पोलिसांकडून करण्यात येतोय. पण हा मृत्यू पोलिसांच्या मारहाणीत झाल्याचा आरोप करण्यात अंबेडकरवाद्यांकडून करण्यात आला. त्यामुळे परभणीत तणावाचे वातावरण निर्माण झालेय. आज महाराष्ट्र बंदची हाक देण्यात आली आहे.

परभणी घटनेच्या निषेधार्थ आज नांदेड जिल्हा बंदची हाक

परभणी घटनेचे पडसाद नांदेड जिल्ह्यात उमटत आहेत.आज विविध सामाजिक आणि राजकीय पक्ष संघटनांनी नांदेड बंदची हाक दिलीय. नांदेडच्या अर्धापूर ते निर्मल महामार्गावर विविध सामाजिक संघटनेने टायर जाळून रास्ता रोको आंदोलन करत परभणी घटनेचा निषेध केला. या आंदोलनामुळे महामार्गावरील वाहतूक ठप्प झाली आहे.