Parbhani Accident News: परभणीत भरधाव ट्रकची बैलगाडीला धडक, अपघातात आजी आणि नातीचा जागीच मृत्यू

Parbhani Accident News:

परभणीत भीषण अपघाताची घटना घडली आहे. परभणीत ट्रक आणि बैलगाडीत झालेल्या अपघातात दोघांचा जागीच मृत्यू झाल्याची घटना घडली आहे. सोनपेठ-शेळगाव या राज्य महामार्गावर ही अपघाताची घटना घडली आहे. बुधवारी सायंकाळी सहा वाजण्याच्या सुमारास अपघात झाला. या अपघाताने परिसरात एकच खळबळ उडाली. (Latest Marathi News)

मिळालेल्या माहितीनुसार, परभणीतील सोनपेठमधील शेतातून घरी परतणाऱ्या बैलगाडीला ट्रकने दिलेल्या आजी-नातीचा जागीच मृत्यू झाल्याची घटना घडली आहे.

बुधवारी सायंकाळी झालेल्या सोनपेठ-शेळगाव या राज्य महामार्गावर भीषण अपघात झाला आहे. कापसाची वाहतूक करणाऱ्या बैलगाडीतील दोघांचा दुर्दैवी मृत्यू झाला आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या अपघातात राधाबाई बालासाहेब वाकडे (४५) त्यांची नात आराध्या अमोल कापसे (९) यांचा जागीच मृत्यू झाला आहे. तर तर बैलगाडीतील इतर 1 जण गंभीर जखमी झाले आहेत. यात ४५ वर्षीय उषाबाई व्यंकटी आव्हाड यांना पुढील उपचारासाठी अंबाजोगाई येथे पाठविण्यात आले आहे.

तर यासोबत अविष्कार अमोल कापसे (१०) वर्ष दत्ता भंडारे (३५), राजामती दत्ता भंडारे (३५) असे तिघे जण किरकोळ जखमी झाले आहेत. या किरकोळ जखमी झालेल्यांना सोनपेठमधील ग्रामीण रुग्णालयात उपचारासाठी दाखल करण्यात आलं आहे.