Parbhani Accident News: गॅस सिलेंडरच्या ट्रकचा पलटी; चालकाला डुलकी लागल्याने झाला अपघात

परभणी : गॅस सिलेंडरने भरलेल्या ट्रक पलटी होऊन अपघात झाला. (Parbhani) राज्य महामार्ग ६१ वर खर्डा शिवारात हा अपघात (Accident) घडला असून सुदैवाने मोठी दुर्घटना टळली आहे. (Maharashtra News)

गॅस सिलेंडर घेऊन ट्रक राज्य महामार्ग ६१ ने छत्रपती संभाजीनगरहुन पालमकडे जात असताना हा अपघात झाला आहे. ट्रक चालवत असताना चालकाला डुलकी लागली. यामुळे चालकाचे ट्रॅकवरील नियंत्रण सुटले. यानंतर ट्रक महामार्गाच्या बाजूला जाऊन पलटी झाला. गॅस सिलेंडरने भरलेला ट्रक पलटी झाल्याने महामार्गावरून जाणाऱ्याचा थरकाप उडाला होता. 

मोठी दुर्घटना टळली 

गॅस सिलेंडरने भरलेला ट्रक पलटी झाल्यानंतर सिलेन्डरमधून गॅस लीक झाला नाही. अन्यथा मोठी दुर्घटना घडली असती. तसेच सुदैवाने अपघातात कोणतीही जीवितहानी झाली. अपघातानंतर लागलीच सिलेंडर जमा करण्याचे काम करण्यात येत होते.