पंढरपुरच्या विठ्ठलाला सोन्याची राखी

पंढरपूर : बहिण भावाच्या नात्याची वीण अधिक घट्ट करणाऱ्या राखी पोर्णिमेनिमित्त (Rakhi pornima) आज पंढरपुरच्या विठ्ठलाच्या हाती सोन्याची राखी बांधून हा सण उत्साहात साजरा करण्यात आला. मिळालेल्या माहितीनुसार, पुण्यातील (Pune) विठ्ठलभक्त ज्ञानेश्वर घोलप (Dnyaneshwar Gholap) यांनी विठुरायासाठी खास नक्षीकाम केलेली दोन तोळे वजनाची सोन्याची राखी विठ्ठल चरणी अर्पण केली आहे.

बहिण आपल्या भावाच्या हाती रेश्मी धागा बांधून आपल्या रक्षण करण्याचं मागणं घालते असचं साकडं आज अऩेक भाविक भक्तांनी विठुरायाकडे घातल आहे. पुणे विठ्ठल भक्त ज्ञानेश्वर घोलप यांनी पुणे येथील सराफाकडून 1 लाख 10 हजार रुपयांची सोन्य़ापासून बनवलेली सुबक व नक्षीकाम केलेली राखी खास विठुरायासाठी तयार केली आहे. आज मंदिरातील पुजाऱ्यांच्या हस्ते सोन्याची राखी विठुरायाच्या हाती बांधण्यात आली.

Edited By - Anuradha